गजल : सीताक अँगनामे | राधा कुमारी दास

सीताक अँगनामे सीतेके मान नहि।
बहारक देवता आ घरमे भगवान नहि ।     

घरमे डाईन कहाइ, बहारमें देवी
घरक मुखीयाके बुद्धि गियान नहि ।

मायक बेटीके रूवा नहि टूटे
घरक पुतहुकें कोनो धियान नहि ।

काज करैत बेर बलगर छै दइया
अधिकारक बेरमे तो सियान नहि ।

बेटीएसँ रीत चलैए छै सबदिन जगके ,
तइयाे बेटाके आगु बेटीके निशान नहि।

लेखिका परिचय

  राधा  कुमारी दास,

इ मैथिली साहित्यमे नवका नाम अछि। 

सङ्गाेर मिथिला नेपाल,लहान कार्यसमितिक सदस्य थिकीही ।

हाल लहानमे पढि रहल अछि । 

इ हिनकर  पहिल रचना छियनि।

२०७५ साल जेठ २५ गते लिखने छलीही।